«Астана Моторс» ҚМК құрамындағы Hyundai Com Trans Kazakhstan коммерциялық техниканың дистрибьюторы жаңа Hyundai EX8 жүк көлігін ұсынды.

Hyundai EX8 таныстырылымы Астана Моторс автоқұрастыру кәсіпорнының аумағында өтті. Іс-шара Hyundai Motor Company компаниясының корпоративтік сату департаментінің өкілдерінің, сондай-ақ БАҚ өкілдерінің, автоблогерлердің және компания клиенттерінің қатысуымен өтті.

Hyundai EX8 коммерциялық техниканың жаңа моделі – аз тонналық жүк көлік (пайдалы жүк көтергіштігі – 5 тонна) бизнестегі сенімді құрал бола алады. Заманауи құрылым, жаңа дизайн брендтің инновациялар мен сапаға өзінің қатынасын көрсетеді. Жүк көлік Еуро-5 экологиялық нормасына сәйкес келетін заманауи дизельдік қозғалтқышпен жабдықталған және 5-сатылы механикалық беріліс ауыстыру қорабымен бірлесіп жұмыс істейді. Жүк тасымалдауларға арналған Hyundai QT EX8 артқы осі күшейтілген және автомобильдің бағдарлық тұрақтылығы жетілдірілген.

Hyundai Com Trans Kazakhstan дистрибьюторы Hyundai ЕХ8 көлігін астанамызда наурыздың соңында өтетін Futuroad Expo Astana Орталық Азияның коммерциялық көліктер мен жол-құрылыс техниканың халықаралық көрмесінің таныстырылым алаңында басқа модельдермен қоса ұсынатын болады.